مكن غلق ولحام اغطيه الكوبايات من شركة المهندس منسي
مكن غلق ولحام اغطيه الكوبايات من شركة المهندس منسي
| العميل | : | السلام عليكم |
| المهندس منسي | : | عليكم السلام ورحمة الله وبركاته |
| العميل | : | شركة المهندس منسي |
| المهندس منسي | : | أيوه |
| العميل | : | بعد إذنك عايز أسأل على مكنة لحام الكوبايات اللي هي الشوب |
| المهندس منسي | : | موجودة آه |
| العميل | : | تمام.. أنا شغال في مياه وملح وكده، فاللي شفته على اليوتيوب اللوحة بتاعتها تحت، مافيش مكنة اللوحة بتاعتها فوق عشان المياه؟ |
| المهندس منسي | : | عملية اللوحة إحنا ممكن نغير مكانها دي سهلة |
| العميل | : | يعني مافيش مكن جاهز عند حضرتك دلوقتي لو جيت أشتري دلوقتي |
| المهندس منسي | : | يا عم قلت لك إن في مكن وموجود، عندنا مكن كتير جداً، اللي إنت شفتها مثلاً الكنترول بتاعها تحت، في كنترول في الجنب، في كنترول فوق، نقي اللي تعجبك |
| العميل | : | طب هي تنفع حضرتك تشتغل في المياه والملح ما تصديش |
| المهندس منسي | : | إن شاء الله |
| العميل | : | طب أقرب مكان ليا فين؟ |
| المهندس منسي | : | إحنا عندنا باب الشعرية، حدائق القبة، مدينة نصر، 6 أكتوبر، غمرة، العبور |
| العميل | : | أنا من المنصورة |
| المهندس منسي | : | منين في المنصورة |
| العميل | : | من المنزلة |
| المهندس منسي | : | أهلاً بيك |
| العميل | : | الله يخليك، لو في حاجة قريبة من طريق العاشر |
| المهندس منسي | : | هبعت رابط هتلاقي فيه العناوين كلها اختار العنوان اللي يناسبك |
| العميل | : | طب الأسعار عشان لما آجي أبقى عامل حسابي المكنة اللي بتلحم كوباية واحدة، واللي بتلحم 3 و 4 بتبقى أسعارها أد إيه؟ |
| المهندس منسي | : | بتبدأ من 15 يعني 2700 جنيه مصري |
| العميل | : | اللي هي بتلحم كوباية واحدة؟ |
| المهندس منسي | : | لا هي عملية اللي بيلحم كوباية واحدة أو كوبايتين وكده دي عادي بنتحكم فيها |
| العميل | : | أصل أنا عندي الرول 2 جنب بعض، فعندي ييجي 2 طن وشويه، فكنت عايز مكنة تمشي مع اللي عندي ده عشان ما أرميش اللي عندي ده |
| المهندس منسي | : | آه لا مافيش مشكلة، ممكن نزود لك المكنة تنزل تلحم لك كله |
| العميل | : | طب نسبة الهالك فيها أد إيه بعد إذنك؟ |
| المهندس منسي | : | الهالك في إيه؟؟ مافيش هالك صفر |
| العميل | : | يعني لو جبت بكرة صغيرة وجيت جربتها مافيش مشكلة؟ |
| المهندس منسي | : | لا هو إنت بتتكلم على أنهي مكنة، المكنة اللي هتلحم وتقطع في نفس الوقت، ولا المكنة اللي بتلحم بس؟ |
| العميل | : | قولي دي وقولي دي |
| المهندس منسي | : | أنا رأيي تشرفنا بالزيارة تتفرج على كل المكنة لأن أنا كده مش قادر أفهمك |
| العميل | : | طب الموقع ابعتهولي على الفيس |
| المهندس منسي | : | أنا ماليش في الفيس، الفيس ده بتاع ربات البيوت |
| العميل | : | طب خلاص هبعتلك الايميل وحضرتك إن شاء الله تبعتلي المكان |
| المهندس منسي | : | أيوه |
| العميل | : | خلاص ماشي يا باشا، مع السلامة |