ماكينة تعبئة اكواب اوتوماتيكيه مع غلق وقطع الغطاء لكوبين في الضربه الواحده موديل 701 ماركة مهندس منسي
ماكينة تعبئة اكواب اوتوماتيكيه مع غلق وقطع الغطاء لكوبين في الضربه الواحده موديل 701 ماركة مهندس منسي
| العميل | : | السلام عليكم |
| المهندس منسي | : | عليكم السلام ورحمة الله وبركاته |
| العميل | : | أنا شفت لكم إعلان على الموقع عندكم مكاين لتقليب الزبادي |
| المهندس منسي | : | آه |
| العميل | : | أنا ما أعرف كيف تصنوعها عندكم ولا هي موجودة جاهزة، أنا أبغى ماكينة تعبئة وتغليف الزبادي ، يعني اللي بسويه أنا مشروع صغير عبارة عن خلاط بحط فيه نكهات وبعدين يقلب، وبالنسبة للزبادي نفسه أنا باخده زبادي جاهز بكميات من الشركات الموجودة، مش هصنع الزبادي، أنا بضيف عليه النكهات وأقلبه فقط لا غير |
| المهندس منسي | : | يعني حضرتك محتاج مكن تعبئة وتغليف الزبادي |
| العميل | : | أيوه.. أيوه.. أنا سمعت إن الأفضل الواحد يسوي الزبادي بنفسه ويشوف تركيبها، بس ما أعرف حقيقة مش تخصصي، أنا جربت خلطة النكهات وكانت معاي كويسة فعايز مكنه اتوماتيك تعبي وتقفل |
| المهندس منسي | : | حضرتك ممكن تشرفنا بالزياره في اي فرع من فروعنا |
| العميل | : | طيب أنا ممكن آجي زيارة عندكم لو ممكن تساعدوني عشان آخد من عندكم، أفهم الأفكار، أنا شفت عندكم مكاين كتير، تغليف، تقليب… |
| المهندس منسي | : | لا حاضر تيجي تشرفني في أي وقت، هي القصة إن الزبادي مافيهوش معضلة اللي إنت متخيلها، إنت ممكن تعمله عندك في البيت |
| العميل | : | آه بس الطعم هيفرق، أنا أهم شيء… |
| المهندس منسي | : | بص إنت مثلاً نفترض عايز تعمل زي جهينة بالضبط، جيب علبتين من جهينة وحطهم في اللبن وخلصت، بص حضرتك من أصل ريفي ولا مدني |
| العميل | : | مدني.. مدني |
| المهندس منسي | : | بص حضرتك هي عملية الزبادي هو استنساخ للبكتيريا النافعة، مافيش أكتر من كده |
| العميل | : | طيب حبيبي، بالنسبة للتصدير إنتم سبق إن صدرتم مكاين… |
| المهندس منسي | : | إحنا بنصدر على طول مافيش عندنا مشكلة، إحنا عندنا فرع بيبيع مكن في قلب الصين |
| العميل | : | ما شاء الله، أنا دخلت على موقع علي بابا وشفت مكاين، بس كنت أفضل آجي مصر وأجيب مكن من مصر يعني |
| المهندس منسي | : | هو حضرتك لو دخلت على علي بابا لو كتبت m2pack هطلع لك، إحنا بنبيع في مصر بسعر نفس السعر اللي بنبيع فيه بالصين |
| العميل | : | ممتاز، إنت ماسك السيلس ولا مدير الشركة |
| المهندس منسي | : | أنا رئيس مجلس إدارة الشركة، مؤسس الشركة |
| العميل | : | ما شاء الله، طيب أنا يمكن أزورك يومين 3 كده أتعلم منك وأعرف شو الطريقة عشان أتوكل على الله |
| المهندس منسي | : | لا إنت تيجي تنورني، ولو عايز كمان تصدير لينا أصدقاءنا اللي نحسبهم على خير يصدروا لك لغاية ما تشتغل وتعمل مصنعك |
| العميل | : | جزاك الله خير ما قصرت صراحة، أنا ممكن أحاول أستفاد منك في دراسة الجدوى، أو التكلفة المبدئية للمشروع، يعني أكيد عندك خلفية تساعدنا |
| ممكن تعتبرني أخوك الصغير وآجي لك زيارة، وأتعلم منك، أنا والله مش مجالي الصناعة بتاتاً يعني، أنا مجالي في التجارة، ولكن متأكد إن الصناعة فيها خير | ||
| المهندس منسي | : | أنا لاحظت إن السعودية بسموا التجارة صناعة |
| العميل | : | لا الصناعة اللي هي زي هادي تجيب لك مصنع، أما التجارة اللي هي تجارة التجزئة، لأن عندنا اسمها وزارة التجارة والصناعة، مفصولة عن بعض، ولكن حقيقة إحنا الشركات الكبيرة مستحوذة على السوق، ولكن إذا واحد قدر يسوي منتج كويس وبأمانة، أنا ساكن في جدة، جدة فيها 5-6 مليون، الرياض فيها 5-6 مليون، المنطقة الشرقية فيها 4-5 مليون، أنا بأشوف إن الشركات الصغيرة في فرصة إنها تدخل السوق إذا في منتج طعمه كويس، وأنا هاده مو تخصصي، ولكن أنا سويت خلطاتي الخاصة، من كذا سنة أنا أسويها، وكل أصحابي وكل أهلي بيقولولي كويسة، لما الواحد الحين حابب إنه يجرب، التجربة ما فيها شيء، إذا سواها بدراسة جدوى كويسة، وفهم وضع السوق، وعرف كيف يصنع المنتج بالطريقة السليمة زي ما إنت قاعد تتكلم معايا، أنا حسيت إنك خبير في الموضوع هاده، أنا ما أعرف وقتك متى أجيك، أيام المشكلة تصادف أجازات عندكم، يعني أنا آجي الخميس، الجمعة السبت، الأحد أرجع يعني |
| المهندس منسي | : | إحنا أجازتنا الجمعة والأعياد، اللي هي عيد الفطر والأضحى |
| العميل | : | يعني السبت شغالين |
| المهندس منسي | : | إحنا شغالين دايماً من 11 صباحاً إلى 9 مساء طول أيام الأسبوع ماعدا يوم الجمعة الأجازة الأسبوعية، ولا عيد إلا عيدين، عيد الفطر، وعيد الأضحى بس |
| العميل | : | أتعرف باسمك لو سمحت |
| المهندس منسي | : | المهندس منسي |
| العميل | : | طيب أنا ممكن أكلمك قبل ما آجي بفترة وأقولك أنا جاي وأتقابل معاك، إنت في القاهرة صح؟ |
| المهندس منسي | : | آه |
| العميل | : | أزورك القاهرة، أدرس لي 4 أيام كده أزورك وأتعرف عليك، ومنها بيقولوا معرفة الرجال تجارة، هاده المبدأ أنا ماشي عليه، أتعرف عليك، ونشوف كام تتكلف العملية مع المدة، وخلافه |
| المهندس منسي | : | إن شاء الله |
| العميل | : | وتعتبرني زي أخوك الصغير |
| المهندس منسي | : | إن شاء الله، ده شرف كبير ليا |
| العميل | : | حبيبي، يسعدني، أنا هتواصل معاك في القريب العاجل، يا إما الأسبوع القادم، أو اللي بعده بحد أقصى بزورك بالقاهرة |
| المهندس منسي | : | إن شاء الله، تيجي تنورني في أي وقت |
| العميل | : | تسلم يا مهندس، تسلم |
| المهندس منسي | : | إن شاء الله |
| العميل | : | شكراً سيدي الفاضل، بارك الله فيك |
| المهندس منسي | : | مع السلامة |