ماكينات لحام اغطية الالومنيوم فويل علي اكواب المياه من شركة المهندس منسي
ماكينات لحام اغطية الالومنيوم فويل علي اكواب المياه من شركة المهندس منسي
العميل : السلام عليكم
المهندس منسي : عليكم السلام ورحمة الله وبركاته
العميل : من فضلك كنت بسأل على مكنة تغليف كوبايات المياه
المهندس منسي : آه
العميل : هل دي متوفرة؟
المهندس منسي : حضرتك عايز تغليف كوبايات المياه
العميل : آه
المهندس منسي : وهي فاضية ولا مليانه؟
العميل : لا وهي مليانه
المهندس منسي : عايز كام كوباية في القرصة الواحدة ولا الشكل العام هيبقى إزاي؟
العميل : معلش تاني؟
المهندس منسي : هوه عموماً دي مكنة اسمها مكنة تغليف شرينك لأكواب المياه، دي موجودة عندنا بضاعة حاضرة
العميل : عامله كام يا باش مهندس؟
المهندس منسي : بتبدأ من 4، احسبها بقى بالمصري كام، إحنا بس بنسمي بالدولار عشان بس استقرار السعر
العميل : أنا فاهم، المكنة دي بتعمل كام كوباية في الساعة مثلاً
المهندس منسي : بتعمل 10 متر في الدقيقة
10متر طولي في الدقيقة
العميل : أيوه تمام.. طب الخامة بتاعت الفويل عند حضرتك برده مش كده
المهندس منسي : خامة الفويل؟
العميل : آه اللي هي بنغلف بيها
المهندس منسي : آه.. آه.. تقصد خامة الشرينك
العميل : هي هتبقى مليانه مياه هغلفها زي غطا الزبادي
المهندس منسي : آه… آه.. الألومنيوم فويل اللي بتبقى من فوق
العميل : ألومنيوم فويل بالضبط كده
المهندس منسي : آه موجودة آه
العميل : وهي المكنة دي تشتغل على الألومنيوم فويل ولا تشتغل على إيه؟
المهندس منسي : لأ المكنة دي تغلفلك القرص كده مثلاً 20 كوباية مع بعض، 10 كوبايات…
العميل : آه… لأ.. لأ ما أقصدش
المهندس منسي : أما بالنسبة لأكواب المياه لو إنت عايز تلحم عليها أغطية الألومنيوم فويل
العميل : أيوه
المهندس منسي : دي ليها مكنة تانية عندنا برده بتعمل 2
العميل : طيب ودي بضاعة حاضرة ممكن نستلمها على طول
المهندس منسي : على طول إن شاء الله بإذن الله تعالى،
العميل : طيب العنوان في القاهرة يا باش مهندس مش كده؟
المهندس منسي : إن شاء الله
العميل : والبتاع الألومنيوم فويل بتاعها موجود؟
المهندس منسي : موجود إن شاء الله
العميل : سعره كام يا باش مهندس؟
المهندس منسي : بيبقى على حسب نوع الكوباية، حضرتك هنشوف الكوباية لأنه في كوباية الورق بتاعها بولي استايرين، وفي كوباية الورق بتاعها بولي إيثيلين، فهنشوف الكوباية اللي هيلحم عليها خامة إيه ونديك السعر وإنت قاعد
العميل : تمام.. تمام… شكراً يا باش مهندس، 2 المكنة
المهندس منسي : المكنة آه
العميل : ماشي يا فندم شكراً لحضرتك، شكراً